Ерөнхий сайд У.Хүрэлсүх бүх дарга нарыг 08 сарын 01 гэхэд ажилдаа орсон байхыг анхааруулжээ

Энэ сар гарсаар ихэнх нутгаар түр зуурын дуу цахилгаантай, усархаг, аадаар бороо орсноос их хэмжээний хохирол учраад байна. Монгол Улсын Шадар сайд, Улсын онцгой комиссын дарга Ө.Энхтүвшин гадаадад ажиллаж байгаа учир Ерөнхий сайд У.Хүрэлсүх Онцгой комиссын хуралдаан зарлан нөхцөл байдлын талаар мэдээлэл авч, үүрэг чиглэл өглөө.

  Энэ сарын 11-18-ны өдрүүдэд ихэнх нутгаар орсон аадар бороо, мөндрийн улмаас аймаг, нийслэлд үер бууж иргэд амь насаа алдан, автозам, цахилгааны шугам сүлжээ, байгууллага, аж ахуйн нэгжид ихээхэн хохирол учирчээ. 

  Баян-Өлгий аймагт гэхэд л Өлгий сумын найман багийн 530 өрхийн 2500 гаруй хүн гамшигт өртөж, гурван иргэн бэртэж гэмтэн, олон гэр, байшин, хашаа усанд автжээ. Иргэдийг аюулгүй газарт шилжүүлж, түр хоргодох байраар ханган шаардлагатай тусламж, үйлчилгээг үзүүлж байна.

  Онцгой байдлын ерөнхий газрын Тэргүүн дэд дарга, бригадын генерал Г.Ариунбуянгийн мэдээллээс үзвэл: 

-  Нийслэлийн Баянзүрх дүүрэгт энэ сарын 17-ны өдөр үер бууснаас хоёр хүн амиа алдаж, аж ахуйн нэгж, байгууллага, иргэдийн гэр, хашаа, байшин усанд автсан

-  Төв аймгийн Зуунмод суманд энэ сарын 16, 17-нд орсон аадар борооны улмаас үер бууж далан, суваг, шуудуу сэтэрч 28 өрхийн гэр, байшин усанд автсан

-  Борнуур суманд энэ сарын 16-нд үер бууж 70 айлын хашаа, байшин, 10 аж ахуйн нэгж, байгууллагын зоорь усанд автан, “Шавартайн” гүүрийн тулгуур баганад суулт үүсч, сумын төвийн 0.6 км зам эвдэрсэн

-  Сүхбаатар аймагт долоон гэр, хоёр машин, Мөнххаан сумаас 44 км-т, аймгийн төвөөс 150-200 км-т улсын чанартай автозамын далан урсаж, замд цөмрөлт үүссэн байна.  

13 аймгийн 116 км зам үерийн усанд автаж ноцтой эвдэрсэн тухай Зам, тээврийн хөгжлийн дэд сайд Б.Цогтгэрэл танилцуулав. Тухайлбал :

-  Сэлэнгэ аймгийн Сүхбаатар суманд энэ сарын 17-ны өдөр үер бууж автозам эвдэрч, байгууллага, аж ахуйн нэгж, иргэдэд их хэмжээний хохирол учирсан

-  Улаанбаатар-Сүхбаатар чиглэлийн төмөр замын 22 дахь км-т төмөр зам усанд автан 300 метр газар, Сүхбаатар-Алтанбулаг чиглэлийн төмөр замын 321-324 дүгээр км-т дөрвөн хэсэг газар төмөр зам их хэмжээний шороогоор дүүрсэн

-  Архангай аймгийн Өндөр-Улаан, Чулуут сумын нутагт энэ сарын 18-ны өдөр ширүүн аадар бороо, мөндөр орж Цэцэрлэг-Тосонцэнгэл чиглэлийн зам эвдэрчээ.

Үерийн улмаас автозамуудад 1,3 тэрбум гаруй төгрөгийн хохирол учирсан урьдчилсан тооцоо гарсан бөгөөд ирэх өдрүүдэд ч бороо үргэлжлэн орох төлөвтэй тул энэ хэмжээ нэмэгдэх магадлал өндөр байна.

  Нөхцөл байдлын талаар мэдээлэл сонссоны дараа Монгол Улсын Ерөнхий сайд У.Хүрэлсүх хэд хэдэн үүрэг, чиглэл өглөө. Гамшгийн өмнө бүгд бэлэн байж, эрдэнэт хүний амь нас эрсдэх, эд материалын хохирол амсахаас урьдчилан сэргийлж ажиллахыг Онцгой комиссын гишүүд, удирдах албан тушаалтнуудад анхааруулав.

Гамшиг, ослоос хэрхэн өөрийгөө болон гэр бүл, хамт олноо хэрхэн хамгаалах чиглэлээр явуулж байгаа сургалт, сурталчилгаагаа улам эрчимжүүлэх, цаг агаарын төлөв байдлыг нарийвчлал өндөртэй гаргадаг  улс орнуудын мэдээг иргэддээ хүргэх, цаг агаарын өөрийн гэсэн аппликэйшнтэй болох талаар судлаж нэвтрүүлэхийг холбогдох хүмүүст даалгав.

Ерөнхий сайд мөн үерийн гамшигт нэрвэгдсэн Баян-Өлгий аймагт Улсын нөөцөөс таван ханатай 80 гэр, бохирын, ус зөөврийн, эмнэлгийн автомашин, ковш нийлүүлэхээр шийдвэрлэв. Тус аймагт барих далангийн ажил одоо тендер зарласан хэмжээнд байгааг тэрээр анхаарууллаа. 

Үерийн улмаас учирсан хохирлыг арилгах, сэргээн босгоход шаардагдах зардлыг судалж Засгийн газрын хуралдаанд танилцуулах, нийслэлд үерийн аюултай бүсэд байгаа айл өрхийг нүүлгэн шилжүүлэх, үерийн улмаас учирсан хохирлыг яаралтай, арилгаж сэргээн босгохыг үүрэг болгож, бүх байгууллага бэлэн байдлаа хангаж, уялдаа холбоотой ажиллахыг сануулав.

Улсын хэмжээнд төрийн байгууллагын бүх дарга 08 дугаар сарын 01 гэхэд ажилдаа орсон байх, ургац хураалт, хадлан тэжээл, өвс, тэжээлийн нөөцөө бүрдүүлэх, өвөлжилтийн бэлтгэлээ эртнээс хангахыг анхааруулав гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

 

 

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 12 )

zochin [ 122.201.22.88 ]      |     2018 оны 7-р сарын 26 -нд, 11:01 минутанд

eronhii said zov heljee demjij bna

зочин [ 122.201.22.88 ]      |     2018 оны 7-р сарын 26 -нд, 11:00 минутанд

zun ni nair naadam hesej bayar gej said darga tsereggui guicheed, malchid ni ovs hadlangaa beltgehgui zalhuurch naadam hesej airag tsagaa erguuleed ovol bolhoor ene ch mal uhlee tuslamj ter ch ajil hetsuudlee utaa uniar ovchlol geed hudalch hund hicheel oroh gej baihad surguuli tsetserlegee zasaj yanzalj baidag manaihnii neg dutagdal bii shu de, tiimees erthen ajlaa bodoh ni zov doo

сүнрэв [ 43.228.131.113 ]      |     2018 оны 7-р сарын 26 -нд, 01:29 минутанд

шадар сайд Онцгой байдлын ерөнхий газрын дарга хоёр энэ их борооны үед АНУ-д ажилтай байхгүй байж лдээ

зочин [ 64.119.20.147 ]      |     2018 оны 7-р сарын 25 -нд, 00:20 минутанд

зөв шүү наадмын маргааш намар тэгээд хахир өвөл

Иргэн [ 27.123.212.136 ]      |     2018 оны 7-р сарын 21 -нд, 05:00 минутанд

Их сонин юм байна. У.Хүрэлсүх хэрэгтэй юм яриад байгаа шиг байгаа ч нэг л хэн хүнд наалдацгүй сонсогдоод байх юм. Хүн нь өөрөө хүндэтгэгдэх боломжгүй болохоор тэр юм байхдаа?!

Иргэн [ 27.123.214.118 ]      |     2018 оны 7-р сарын 20 -нд, 06:13 минутанд

бүх бүдүүн гэдэстэй ларга сайдууд идэж ууж ханасан бол ажилдаа орж утаа өвлийн асуудлаа шийэх цаг болжээ..энэ юу нь буруу байна.ёрөнхий сайд зөв хэлжээ.одоо утаа өвчлөл юөөс өйж байна.хэзээ уб хот маань утаагүй түгжрэлгүй сайхан амьдрах цаг ирэх бол үүнийг хүсэж байна.өлсөж болно.өьчингүй бол жаргал

иргэн [ 202.179.27.224 ]      |     2018 оны 7-р сарын 20 -нд, 01:25 минутанд

Юу хийж бүтээсэн гэж бүх сайдууд нэг зэрэг амарч байгаа юм бэ?

мм [ 119.40.103.188 ]      |     2018 оны 7-р сарын 20 -нд, 00:21 минутанд

чүрэлсүхийн үг гөлөг хуцах шиг байна

зочин [ 78.250.146.158 ]      |     2018 оны 7-р сарын 19 -нд, 13:59 минутанд

Бас худлаа том баахаа болиоч Хүрэлсүх энэ хэдэн хөлдүү толгойтой дарга нар нь ажилдаа ороод яахын улсын мөнгөө идэж ууна биз тэглээ гээд гамшиг арилахгүй шүү дээ.Баян-Өлгийн асуудал бол Муратын бузар заа юу.

зочин [ 78.250.146.158 ]      |     2018 оны 7-р сарын 19 -нд, 13:59 минутанд

Бас худлаа том баахаа болиоч Хүрэлсүх энэ хэдэн хөлдүү толгойтой дарга нар нь ажилдаа ороод яахын улсын мөнгөө идэж ууна биз тэглээ гээд гамшиг арилахгүй шүү дээ.Баян-Өлгийн асуудал бол Муратын бузар заа юу.

иргэн [ 202.179.26.92 ]      |     2018 оны 7-р сарын 19 -нд, 10:03 минутанд

гамшиг болоод байхад Шадар сайд Гадаадад болж байгаа юмуу наад Дарга нар чинь яг цагтаа ажилдаа ирж чадах уу тэгээд

Үйлс [ 49.0.218.197 ]      |     2018 оны 7-р сарын 19 -нд, 09:21 минутанд

Өлгий хотын айлуудын гэр,хашааг яагаад олон уулын хийгээд жалгын амны бэлчир дээр болон үерийн зам дээр байрлуулсан юм бэ? Мэдээж үерт урсгах гэж санаатай ингээгүй нь ойлгомжтой бөгөөд гагцхүү алсын хараа болоод мэдрэмжгүй хүмүүсийн л хийсэн үйлдэл байх. Өлгий хотод хоёр жил дараалан цунами боллоо.Одоо тэгэхлээр Өлгий хотын иргэд олон уул,жалгын амны бэлчир дээрээс гэрээ нүүлгэж,уулын энгэр хийгээд орой дээр нь барих хэрэгтэй юм бишүү.!!!!!????

Go to top of page