Сонгуулийн хуулийг хэлэлцэх байнгын хороо хойшиллоо

УИХ-ын сонгуулийн тухай хуулийг энэ долоо хоногт багтаан батлах төлөвлөгөөтэй байгаа тухай МАН-ын бүлгийн дарга Д.Тогтохсүрэн хэлсэн билээ. Сонгуулийн тухай хуулийг чуулганаар хэлэлцүүлэхийн өмнө Төрийн байгуулалтын байнгын хороо хуралдах учиртай. Гэвч өнөөдөр /2019.12.17/-ийн 10.00 цагаас зарласан байнгын хорооны хуралдаан 14:00 цаг хүртэл хойшиллоо.

Төрийн байгуулалтын байнгын хорооны хуралдаанаас өмнө Ажлын хэсэг хуралдаж, саналаа нэгтгэхээр болсон байна.

Төрийн байгуулалтын байнгын хороогоор хэлэлцэх асуудлын дарааллыг хүргэе.

• "Монгол Улсын Их Хурлын 2019-2024 оны Стратеги төлөвлөгөөг батлах тухай” Улсын Их Хурлын тогтоолын төсөл /Улсын Их Хурлын гишүүн Л.Энх-Амгалан нарын 11 гишүүн 2019.12.02-ны өдөр өргөн мэдүүлсэн, анхны хэлэлцүүлэг/;
• Монгол Улсын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Х.Нямбаатар нарын 5 гишүүн 2019.05.15-ны өдөр өргөн мэдүүлсэн, анхны хэлэлцүүлэг/;
• Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл болон хамт өргөн мэдүүлсэн Хөдөлмөрийн тухай хуульд нэмэлт оруулах тухай хуулийн төсөл /Улсын Их Хурлын гишүүн Д.Оюунхорол нарын 10 гишүүн 2019.10.02-ны өдөр өргөн мэдүүлсэн, анхны хэлэлцүүлэг/;
• Монгол Улсын Их Хурлын сонгуулийн тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Л.Энх-Амгалан нарын 10 гишүүн 2019.12.02-ны өдөр өргөн мэдүүлсэн, анхны хэлэлцүүлэг/.