КОВИД-19 | Бусан дахь ОХУ-ын хөлөг онгоцонд халдвар нэмэгдэв

Дэлхий дахинд коронавирусний халдварын тоогоороо тэргүүлж байгаа АНУ-ын бүх мужид халдварын тоо нэмэгджээ. Тус улсад нийт халдварын тоо 2.4 сая давж, нас баралт 126.218 болсон байна. Хойд хөрш ОХУ, Буриад, Тува, Читад, ялангуяа Тува улсад шинэ өвчлөл нэмэгджээ. Халдварын тоогоороо АНУ-ын дараа орж байгаа Бразилд хоногт 39400 гаруй шинэ тохиолдол нэмэгдэж, нийт 1.2 сая гаруй хүн халдвар аваад байна.

АНУ-ын Өвчний хяналтын төвөөс мэдээлснээр олон нийтийн дунд бусдаас зайтай байх нь халдвараас сэргийлэх хамгийн шилдэг арга юм. Олон нийтийн дунд байхдаа нүүр, амны хаалтыг хэрэглэж, гарын ариун цэврийг тогтмол сахих хэрэгтэйг зөвлөжээ.

ДЭМБ-ын Зүүн Өмнөд Азийн бүсэд Энэтхэгт хоногт 16900 гаруй шинэ тохиолдол бүртгэгдсэнээр нийт тохиолдол 473105 болжээ. Тус улсад нас баралт 14894 байна.

Өмнөд Солонгост хоногт 39 тохиолдол бүртгэгдсэний 27 нь дотоодын халдвар бол 12 нь гаднаас зөөвөрлөгдөж орж иржээ. Халдварын дийлэнх нь Сөүл орчмын бүс нутагт бүртгэгдсэн байна. Мөн Бусаны боомтод байгаа Оросын хөлөг онгоцны бие бүрэлдэхүүн болон тэдэнтэй харьцсан хүмүүсээс халдвар нэмж илэрчээ.

Коронавирусний эсрэг тарилгын тухайд, Европын холбооны улсуудад насанд хүрэгчид болон 12-оос дээш насныханд хэрэглэх зөвлөмжийг өгсөн байна. Гэхдээ биеийн байдлаас нь хамааран тусгай заалтын дагуу хэрэглэнэ.