Украин Францтай аюулгүй байдлын баталгааны талаар хэлэлцээ эхлүүлэв

Украин Францтай Киевийн аюулгүй байдалд баталгаа олгох тухай хэлэлцээний эхний үе шатыг эхлүүлжээ.

Украины Ерөнхийлөгчийн тамгын газрын мэдээлснээр, талууд хэлэлцээний төлөвлөгөөг хэлэлцсэн байна. Украины талыг ерөнхийлөгчийн тамгын газрын дэд дарга Игорь Жовква тэргүүлжээ.

Украины Ерөнхийлөгч Володимир Зеленськийн мэдээлж байснаар, Европын Холбооны 20 гишүүн орон Украинд аюулгүй байдлын баталгаа олгох асуудалд нэгджээ. Ойрын үед үлдсэн долоон гишүүн орон нэгдэнэ гэсэн хүлээлттэй байна. Украин аюулгүй байдлын баталгаа олгох тухай эхний хэлэлцээрүүдээ энэ ондоо багтаан байгуулахаар зэхэж байна.