ТАНИЛЦ | "Тэнгисийн эрэг дээрх 24/7" шоуны оролцогч М.Билгүүн

"Central" телевизийн бүтээл "Тэнгисийн эрэг дээрх 24/7" шоу нэвтрүүлэг гуравдугаар сарын 2-ны үзэгчдийн хүртээл болоод буй. Тус нэвтрүүлгийн оролцогч, олны анхаарлыг ихээхэн татаад байгаа Зэвсэгт хүчний 084 дүгээр ангийн шүхэрчин дайчин, ахлах дэслэгч М.Билгүүний талаарх мэдээллийг хүргэж байна.Тэрээр цэрэгжлийн спортын мастер бөгөөд цэрэгжлийн гимнастикийн модон дээр малгай тавьж харайх төрөлд сүүлийн жилүүдэд тогтмол I эсвэл II байрыг эзэлж яваа алба хаагч юм. Өнгөрсөн 1 дүгээр сард зохион байгуулагдсан Зэвсэгт хүчний аварга шалгаруулах тэмцээнд мөн энэ төрөлдөө 13 малгай дээгүүр харайж мөнгөн медаль хүртсэн аж.

2023 оны Зэвсэгт хүчний саадын зурвас шалгаруулах тэмцээний аварга, 2020 оны рагбигийн армийн аварга гээд цэрэгжлийн спортын бүх төрлөөр жигд хичээллэж, тухай бүртээ амжилт үзүүлж яваа офицер юм. Тэрээр ХБНГУ-д цэргийн сургууль дүүргэсэн, АНУ-д суралцсан бөгөөд герман, англи хэлтэй, Зэвсэгт хүчний шилдэг офицеруудын нэг, шүхэрчин дайчдын нэг.

М.Билгүүнийг энхийг сахиулагч, бүжгийн спортоор хичээллэгч, гардан тулаанч гээд хөдөлмөр зүтгэлээр өөрийгөө бүтээж яваа офицер гэж хамтран зүтгэгчид нь өндрөөр үнэлдэг.