Эцэг хүү хоёрын тансаглал

Н.Энхбаярын Засгийн газрын үед Үйлдвэр худалдааны сайдын сэнтийд “заларч” байсан ноён Ч.Ганзориг Архангай нутгийн уугуул, хурдан моринд хамаг сэтгэлээ өгсөн гэдгийг хүрээнийхэн нь андахгүй. “Говь” саунаас аваад хувийн бизнес ч гэж шагхийсэн энэ нөхөр Монголын хамгийн том “саалийн үнээ” гэгдэх ГОК-ийн захирал болсноосоо хойш янз бүрийн хэл аманд орох болсон нь том “мөнгөний уурхайд” санаархдаг эрх мэдэлтнүүдийн хоорондын зөрчил ч байх талтай. Түүгээр ч зогсохгүй хүү Г.Тэмүүлэн нь “Эрдэс МГЛ” төрийн өмчит хувьцаат компанийн гадаад харилцааг хариуцдаг нь аав хүү хоёрыг  Монголын хамгийн баян хүмүүсийн нэг гэдэг ойлголтыг зүй ёсоор төрүүлэх болсон. Үнэндээ ч Г.Тэмүүлэнгийн хувьд 30 шүргэж буй залуу насандаа ийм том суудалд суусан нь сайн эцгийн нөлөөнөөс гадна гадаадад боловсрол эзэмшсэнтэй нь холбоотой аж.  Түүгээр ч зогсохгүй түүний гэргий С.Энхзул нь Монголын анхны брэнд дэлгүүрийн нэг “Ханбүргэдэй” төвийн эзний охин төдийгүй одоо компаниа удирддаг гэнэ шүү.
Д.Жаргалсайхан. Zindaa.mn