“Холбоодын цом”-ын тэмцээний хэсгийн тоглолт өнөөдөр өндөрлөнө

Монголын Үндэсний сагсан бөмбөгийн холбоо болон “TLG-13” ТББ хамтран “Холбоодын цом”-ын тэмцээнийг Спортын төв ордны “А” зааланд дөрөв дэх удаагаа зохион байгуулж байна. Энэ удаагийн тэмцээнд “Спрайт супер лиг” болон МСБХ-ны Дээд лигийн шилдэг 16 баг “А” хэсэгт “Энержи Ресурс Харцага”, “Хасу мегаватт”, “Мон торх”, УБЦТС, “B” хэсэгт ШУТИС, “Эрдэнэдрийлинг”, “Хөвсгөл нэг үе”, “Аячук”, “С” хэсэгт “Баянзүрх Буллс”, ОТИС, “Альяанс Тех”, ИНЕГ, “D” хэсэгт TLG-13, “Танан”, “Найши трэйдинг”, “Pаnаsonic” баг хуваагдан өрсөлдөж байгаа юм. Түүнчлэн энэ удаагийн тэмцээнд анх удаа эмэгтэй багууд оролцож байгаагаараа онцлог юм. Эмэгтэйчүүдээс МУБИС, “Мон-Алтиус”, “Танан”, “Гурван тамир”, МУИС, “Шунхлай” гэсэн зургаан баг тойргоор тоглож байгаа бөгөөд шилдэг дөрвөн баг хагас шигшээд өрсөлдөх эрх олж авах юм. Өнөөдөр хэсгийн тоглолт өндөрлөх бөгөөд маргааш шөвгийн найм болон хагас шигшээ, ням гаригт медалийн төлөөх тоглолт болох аж.

Б.Бат