МҮОХ-ны ээлжит чуулган ирэх сард болно

Монголын үндэсний олимпийн хорооны ээлжит чуулган арванхоёрдугаар сарын 19-нд Улаанбаатар хотод зохион байгуулагдана. МҮОХ-ны дүрмийн 8.6 заалтын дагуу чуулган эхлэхээс нэг сарын өмнө МҮОХ-ны ерөнхийлөгч болон гүйцэтгэх зөвлөлийн гишүүнд нэрээ дэвшүүлэх ёстой юм. Энэ удаагийн олимпийн чуулганд МҮОХ-ны ерөнхийлөгчийн албан тушаалд гурван хүн нэрээ дэвшүүлсэн бол гүйцэтгэх зөвлөлийн гишүүн болохын төлөө 15 хүн нэрээ дэвшүүлээд байна. МҮОХ-ны ерөнхийлөгчид одоогийн ерөнхийлөгч, Эрүүл хамгаалахын гавьяат ажилтан, анагаах ухааны доктор Д.Загдсүрэн, МҮОХ-ны дэд ерөнхийлөгч, Монголын оюутны спортын холбооны ерөнхийлөгч, Олон улсын оюутны спортын холбооны гүйцэтгэх зөвлөлийн гишүүн, ерөнхий санхүүч Д.Баясгалан, Монголын жүдо бөхийн холбооны дэд ерөнхийлөгч, Монгол Улсын ерөнхий прокурор Д.Дорлигжав нар нэрээ дэвшүүлжээ.

Б.Бат