Хорфорд, Данкан нар долоо хоногийн шилдэг

NBA-гийн албан ёсны сайт өнгөрсөн долоо хоногийн шилдэг тоглогчдыг зарлалаа. "Дорнод" бүсийн шилдгээр “Атланта Хоукс” багийн төвийн тоглогч Аль Хорфорд, “Өрнөд”-ийн шилдгээр “Сан-Антонио Спэрз”-ийн хүчний довтлогч Аль Хорфорд нар тодорчээ. “Харцагууд” өнгөрсөн долоо хоногт дөрвөн тоглолтод дараалан ялахад Хорфорд дунджаар 16.5 оноо түүж, 9.8 удаа самбараас бөмбөг авч, 4.5 дамжуулалт өгсөн байна. Түүнчлэн тэрбээр арваннэгдүгээр сарын 21-нд “Вашингтон Визардс”-ын эсрэг тоглолтод 10 оновчтой дамжуулалт өгчээ. Энэ нь түүний замналын дээд амжилт болсон. Харин “Давируулууд”-ын довтлогч Данкан дөрвөн тоглолтод оролцохдоо 22.0 оноо цуглуулж, 12.8 удаа самбараас бөмбөг авч, 3.0 дамжуулалт өгч, 1.3 блок шот гүйцэтгэсэн байна.

Б.Бат