Агирре “Эспаньол”-ыг удирдана

Испанийн хөлбөмбөгийн “Эспаньол” клубийн удирдлага багийн ерөнхий дасгалжуулагч Маурицио Почеттиног энэ сарын эхээр үүрэгт ажлаас нь чөлөөлөөд байсан билээ. Каталоны баг “Ла лиг”-ийн шинэ улиралд 13 тоглолтоос ердөө есөн оноотой сүүл мушгиж яваа. Үүнээс үүдэн тус багийн удирдлага “Эспаньол”-ыг гурван жил удирдсан Почеттиног ажлаас нь халсан юм. Харин түүнийг орлох хүнээр мексик мэргэжилтэн Хавьер Агиррег сонголоо. Өдгөө 53 настай Агирре 1995 оноос дасгалжуулагчийн гараагаа эхэлсэн бөгөөд өмнө нь “Ла Лиг”-ийн “Осасуна”, “Атлетико Мадрид”, “Сарагоса” клуб болон Мексикийн шигшээ багийг удирдаж байв.

Б.Бат