“Athletes in Action” байгууллага сагсан бөмбөгийн дасгалжуулагчийн сургалтыг явуулна

АНУ-ын сагсан бөмбөгийн “Athletes in Action” байгууллагын дасгалжуулагчид Монгол Улсын Ерөнхий боловсролын сургуулиуд болон сонирхогчдын багийн дасгалжуулагч нарт семинар явуулахаар болжээ. “Athletes in Action” сагсан бөмбөгийн байгууллагын мэргэжилтэн, дасгалжуулагч нар АНУ-ын NCAA болон ЕБС-ийн олон жил ажилласан туршлагатай . Тиймээс тэд МСБХ-ны гурван удаагийн аварга “Хасын хүлгүүд” багийн урилгаар Улаанбаатар хотод ирж, манай оронд үйл ажиллагаа явуулдаг ЕБС-ын сагсан бөмбөгийн багш дасгалжуулагч нар болон сонирхогчдын багуудын дасгалжуулагч нарт тав хоногийн хугацаанд сургалтыг явуулах юм. Сургалтад хамрагдсан дасгалжуулагчдад гэрчилгээ олгохоос гадна гарын авлага, DVD ,CD тараах материал өгөх юм. Уг сургалт Монголын сагсан бөмбөгийн ирээдүй хойч үед маань зааж сургах багш дасгалжуулагчийн ур чадварыг дээшлүүлэх өндөр ач холбогдолтой юм.

Б.Бат