Яо Мин хүндэт доктор боллоо

БНХАУ-ын алдарт сагсан бөмбөгч Яо Мин өчигдөр “Шянган” их сургуулийн 187 дахь удаагийн эрдмийн зэрэг цол хүртлээ. Түүнчлэн Яо Минд Хонгконгийн их сургуулийн захирал Леун Чун Ен сургуулийнхаа хүндэт доктор цолыг хүртээсэн байна. NBA-гийн “Бүх оддын тоглолт”-д найман удаа оролцож байсан нэрт сагсан бөмбөгч Яо Мин нийгмийн харилцааны хүндэт доктор болсныг өчигдөр сургуулийн захирал өөрийн биеэр баталж, сургуулийнхаа оюутан залуус, алдартай эрхмүүдийн өмнө гардуулан өгчээ. Тэрбээр хүндэт доктор цолоо гардан авсныхаа дараа маш их баярлаж байгаагаа илэрхийлж, энэ бол нэр төрийн хэрэг хэмээсэн байна. Яо Мин зодог тайлснаасаа хойш хүмүүнлэгийн үйлсэд ихээхэн анхаарал хандуулах болсон бөгөөд саяхан Сычуаны байгалийн гамшигт өртсөн хүмүүст хоёр сая ам.долларын тусламж үзүүлжээ.

Б.Бат