Цагаанаа шөвгийн наймд шалгарлаа

Афины олимпийн хүрэл медальт, ДАШТ-ий алт, хүрэл медальт, Азийн наадам болон Азийн аварга Монгол Улсын хөдөлмөрийн баатар Х.Цагаанбаатар сая хоёрдугаар тойргийн барилдаанаа хийж, ялалт байгуулснаар шөвгийн наймд шалгарлаа. Цагаанаа эхний даваанд БНСУ-ын Чун Чул Минийг юүкогоор сөхрүүлсэн бөгөөд сая хоёрдугаар тойрогт эзэн орны жүдоч 2010 оны ДАШТ-ий хүрэл медальт, Юсүхиро Аванотой хийж, 4:08 минутад цэвэр ялав. Тэрбээр шөвгийн наймд буюу медальтай үлдэх шийдвэрлэх барилдаанаа Дэлхийн чансааны долоод эрэмбэтэй Бельгийн Дирк ван Тишелттэй хийнэ.

Б.Бат