Сагсан бөмбөгч Г.Алтангэрэлд туслах хандивын тэмцээн болно

“Спрайт хөгжил”-ийн лигийн аварга, “Спрайт супер лиг”-ийн аварга, энэ жилйин “Холбоодын цом”-ын аварга“Танан гарьд” багийн тоглогч Г.Алтангэрэлд туслах сагсан бөмбөгийн хандивын тэмцээн болно. Тэрбээр Энэтхэг улсад суралцдаг байсан бөгөөд автомашины осолд орсны улмаас биеийн байдал тун хүнд байгаа. Сагсан бөмбөгийн талбарт өсч, яваа авьяаслаг залуу тамирчин Г.Алтангэрэл Энэтхэг улсын “Колумбиа-Ази” эмнэлэгт сэхээн амьдаруулах тасагт хэвтэж байгаа юм. Тиймээс түүний найз нөхөд, багийн хамт олон, сагсан бөмбөгийн хүрээнийхэн эмчилгээний зардалд зориулж, хандивын аян өрнүүлэхээс гадна сагсан бөмбөгийн тэмцээнийг зохион байгуулахаар болжээ. Тэмцээн энэ сарын 9-нд Спортын төв ордны “А” зааланд болох бөгөөд Дархан, Өмнөговь, Эрдэнэт, Өвөрхангай аймгийн залуус эрэгтэй, эмэгтэй баг бүрдүүлэн оролцох юм. Техникийн зөвлөгөөн энэ сарын 7-нд 18:00 цагт Спортын төв ордонд болно.

Б.Бат