Леброн Жеймс, Тони Паркер нар сарын шилдгээр тодорлоо

“Майами Хит”-ийн довтлогч Леброн Жеймс, “Сан-Антонио”гийн холбогч Тони Паркер нар бүс бүсийнхээ сарын шилдэг тоглогчоор нэрлэгджээ.

Энэ улирал эхэлсээр Леброн Жеймс сарын шилдгээр гурав дахиа нэрлэгдэж буй энэ юм. Тэрээр онооны үзүүлэлтээрээ бүсдээ хоёрт /27 оноо дунджаар/, бөмбөг таслалтаар дөрөвт, дамжуулалтаар тавд, самбараас бөмбөг авалтаар 16-т бичигдэж буй юм.

Мөн тэрээр хэдхэн хоногийн өмнө 20000 оноонд хүрсэн NBA-гийн түүхэнд хамгийн залуу тоглогч болсон билээ.

Харин “Сан-Антонио”-гийн холбогч Паркер дамжуулалтаараа бүсдээ гуравт, онооны үзүүлэлтээрээ зургаад бичигдэж буй юм.