FIBA Europe-гийн дасгалжуулагчийн сургалтад сонгон шалгаруулахаар болжээ

Монголын Сагсан Бөмбөгийн Холбоо гадаад харилцаа, хамтын ажиллагаагаа өргөжүүлэхийн зэрэгцээ шүүгч дасгалжуулагчдаа мэргэжлийн өндөр түвшинд бэлтгэх тал дээр онцгой анхааран ажиллаж байна. Хэд хоногийн өмнө АНУ-ын Атланта хотруу   олон улсын дасгалжуулагчдын сургалтанд 12 хүний бүрэлдэхүүнтэй багаа илгээсэн бол энэ удаад урт хугацааны сургалтын зар тараалаа.

FIBA Europe-с зохион байгуулдаг дасгалжуулагч бэлтгэх 3 жилийн хугацаатай сургалтанд хоёр дасгалжуулагч сонгон шалгаруулж явуулахаар болсон байна. Энэхүү сургалт нь энэ онд эхэлж, 2015 оныг дустал үргэлжлэнэ. Сургалттай холбоотой бүхий л зардлыг МСБХ 100% хариуцхаар шийдвэрлэжээ. 

СОНГОН ШАЛГАРУУЛАЛТАНД ОРОЛЦОГЧДОД ТАВИГДАХ ШААРДЛАГА:

1. 25-30 насны эрэгтэй дасгалжуулагч

2. Англи хэлээр чөлөөтэй ярьж, бичдэг байх

3. Сагсан бөмбөгийн дасгалжуулагчийн чиглэлээр их дээд сургууль дүүргэсэн. Эсвэл  тодорхой хэмжээнд  сургалт семинарт хамрагдсан байх.

4. Сагсан бөмбөгийн секц, дугуйлан, клуб, баг дасгалжуулж байсан туршлагатай

5. Цаашид сагсан бөмбөгийн дасгалжуулагчийн чиглэлээр тогтвортой ажиллах

 ЗААВАР:

Доорхи линкээр орж, анкетийг бөглөж  ball@basket.mn хаяг руу 4 сарын 10-ны өдөрт багтаан ирүүлнэ үү.    http://www.facebook.com/mongolian.mba