П.Сэрдамба зодог тайлж, нарийн бичгийн дарга болов

Их спортоос авсан бэртэл нь цаашид рингэн дээр дахин гарах боломжгүй болгосон тухай Хөдөлмөрийн баатар, гавьяат тамирчин П.Сэрдамба мэдэгдсэн. Энэ ч утгаараа, өөрийнхөө амжилтыг хангалттай гэж үзсэн тэрбээр залгамж халаагаа бэлтгэхэд анхаарч, албан ёсоор зодог тайлж буйгаа хэлсэн байна. Ирээдүйн бокс, олимпийн аваргыг төрүүлэхэд хичээл чармайлт тавин ажиллах бодолтой яваа П.Сэрдамба одоо Монголын олимпын боксын холбооны ерөнхий нарийн бичгийн даргаар ажиллах юм байна.

Боксын спорт сонирхогч хүүхэд, залуусын дунд нэлээдгүй үлгэр дуурайлал болж явсан гавьяат тамирчин маань олон ажил хийхээр төлөвлөсөн бөгөөд гадаадад эх орноо сурталчлах томоохон зорилт тавьсан гэнэ.

С.Цахиур