Шилдэг начингуудын халз барилдаан

Энэ сард зохиогдох хуваарьтай байсан улсын начин харцагуудын халз барилдаан шилдэг начингуудын халз барилдаан болон өөрчлөгдлөө. Монголын үндэсний бөхийн холбоо, "Хамаг монгол" студитэй хамтран монгол улсын энэ цаг үеийн ид барилдаж байгаа шилдэг начингуудын багийн халз барилдааныг дөрөвдүгээр сарын 21-ний ням гарагийн 15 цагаас Монгол бөхийн өргөөнд болно. Зургаан бөх нөгөө багийн зургаан бөхтэй барилдах бөгөөд нийт 36 барилдааны 18-аас дээш давааг авсан баг нь ялалт авна. Наадам чимдэг улсын цолтой бөхчүүдийн дийлэхийг эзэлдэг начинг цолтны шилдэгүүдийн тулаан сонирхолтой болох төлөвтэй. Түрүү баг зургаан сая төгрөгийн бай гардана.

Зүүн талаас

1. у.н Э.Энхбат

2. у.н Ду.Батбаяр

3. у.н Б.Батмөнх

4. у.н Ц.Одбаяр

5. у.н Б.Амарзаяа

6. у.н Р.Пүрэвдэвга

Баруун талаас

1. у.н Ш.Жаргалсайхан

2. у.н Б.Гончигдамба

3. у.н Ч.Баянмөнх

4. у.н Б.Сангисүрэн

5. у.н А.Батмөнх

6. у.н Б.Пүрэвсайхан

Хоёр багийн төлвийг харахад зүүн талын баг нь сэрвүү барьцнаас сайн хүч үздэг бөхчүүд, баруун талын начингууд шуудагнаас давуутай барилдахаар харагдаж байгаа. Манай уншигч, бөх сонирхогч, үзэгчид аль баг нь ялах талаар өөр өөрийн таамгийг дэвшүүлээд эхэлсэн байна. Чухам аль баг нь ялалт авахыг та бүхэн 21-ний ням гарагт МБӨ-г зорьж шилдэг начингуудын гал гарсан барилдааныг ирж дэмжин үзсэнээр мэдэх боломжтой.