Азийн аваргаас Г.Мандахнаран мөнгө, Д.Хүдэрбулга хүрэл медаль авлаа

Энэтхэг улсын Нью-Дели хотод 4 өдөр үргэлжилсэн Ази тивийн сонгомол болон чөлөөт бөхийн аварга шалгаруулах тэмцээн өндөрлөлөө.

Тэмцээний сүүлчийн өдөр 66 кг-ийн жинд “Алдар” спорт хорооны тамирчин, олон улсын хэмжээний мастер Г.Мандахнаран мөнгө, 96 кг-ийн жинд “Ганьт” клубын тамирчин, олон улсын хэмжээний мастер Д.Хүдэрбулга хүрэл медаль хүртэж мөнгө, хүрэл медалиудаа ихэрлүүлэв.

Манай эрэгтэй, эмэгтэй багууд тус бүр гуравдугаар байр эзэлж хүрэл цом хүртэж өндөр амжилт гаргалаа. Өнгөрсөн жил БНСУ-ын Гуми хотод болсон Азийн аварга шалгаруулах тэмцээнд 2 мөнгө, 4 хүрэл медаль авч багаараа тус бүр дөрөвдүгээр байр шалгарч байсан бол энэ удаа 1 алт, 4 мөнгө, 2 хүрэл медаль авч амжилтаа ахиуллаа.

Ирэх жилийн азийн аварга шалгаруулах тэмцээн дөрөвдүгээр сард Казахстан улсын Алмата хотод, Азийн наадам есдүгээр сард БНСУ-ын Инчон хотод болно.

Тэмцээний дүн

Эмэгтэй

48 кг   1. Ми Юнг Пак /БНАСАУ/

2. Ти Ханг /Вьетнам/

3. Михрнисо Нурматова /Киргиз, Азийн тивийн аварга шалгаруулах

    тэмцээний хүрэл медальт/

3. Аяно Сузуки /Япон/

5. Эрдэнэсүхийн Нарангэрэл /”Хангарьд” клуб/

Энэ жинд 10 бөх өрсөлдсөнөөс олон улсын хэмжээний мастер Э.Нарангэрэл нэгдүгээр тойрогт хийлж хоёрдугаар тойрогт хятадын бөх Жинглинг Лиг 1:0, 2:0 харьцаагар хожсон ч мөнгөн медалийн төлөө барилдаанд Умард Солонгосын бөх Ми Юнг Пакт 0:2, 0:6, хүрэл медалийн төлөө барилдаанд японы бөх А.Сузукид 0:1, 1:0, 0:6 онооны харьцаагаар өвдөг шорооджээ.

51 кг   1. Татьяна Аманзол /Казахстан, азийн аварга/

2.Хайпинг Лью /БНХАУ/

3. Винеш Винеш /Энэтхэг/

3. Сим Хуанг /БНАСАУ/

                        5. Эрхэмбаярын Даваачимэг /”Хилчин” спорт хороо/

Энэ жинд 11 бөх өрсөлдсөнөөс олон улсын хэмжээний мастер Э.Даваачимэг нэгдүгээр тойрогт хятадын бөх Хайпинг Льюд 0:3, 0:3 онооны харьцаагаар ялагдаж дагах барилдаанд вьетнамын бөх Нгуен Тхи Луаг 1:1, 4:1 онооны харьцаагаар хожиж хүрэл медалийн төлөө БНАСАУ-ын бөх Сим Хуангтай барилдаж 0:5, 0:1 онооны харьцаагаар дийлджээ.

55 кг   1. Синлиан Янг /БНХАУ/

2. Канако Мурато /Япон/

3. Ким Ок Хан /БНАСАУ/

3. Бабита Кумар /Энэтхэг/

5. Сүндэвийн Бямбацэрэн /”Аврагч” спорт хороо/

Энэ жинд 9 бөх өрсөлдсөнөөс олон улсын хэмжээний мастер С.Бямбацэрэн нэгдүгээр тойрогт хийлж хоёрдугаар тойрогт японы бөх Канако Муратод 0:1, 1:2 онооны харьцаагаар дийлдэж дагах барилдаанд Тайваны бөх Ан-Ан Уенийг 7:0, 3:0 онооны харьцаагаар ялж хүрэл медалийн төлөө барилдаанд энэтхэгийн бөх Бабита Кумартай барилдаж 1:1, 0:3 онооны харьцаагаар хожигджээ.    

59 кг   1. Чихиро Кумабе /Япон/

2. Тунгалагийн Мөнхтуяа /”Хангарьд” клуб/

3. Ли Хайян /БНХАУ/

3. Айсулаа Тунебекова /Киргиз/

Энэ жинд 10 бөх өрсөлдсөнөөс олон улсын хэмжээний мастер Т.Мөнхтуяа нэгдүгээр тойрогт казахстаны бөх Жулия Сатымбековаг 2:1, 4:0 онооны харьцаагаар дийлж вьетнамын бөх Ти Лоан Памыг цэвэр ялж хэсгээс гарах барилдаанд хятадын бөх Хайан Лиг 3:1, 3:1 онооны харьцаагаар ялж мөнгөн медалийн болзол биелүүлж алтан медалийн төлөө японы бөх Чихиро Кумабетэй барилдаж 5:1, 0:2, 0:6 онооны харьцаагаар хожигджээ.

63 кг   1. Зуома Хилуо /БНХАУ/

2. Юрико Ито /Япон/

3. Шархүүгийн Түмэнцэцэг /”Хилчин” спорт хороо/

3. Геетика Жакхар /Энэтхэг/

Энэ жинд 9 бөх өрсөлдсөнөөс олон улсын хэмжээний мастер Ш.Түмэнцэцэг нэгдүгээр тойрогт хийлж хоёрдугаар тойрогт БНСУ-ын бөх Ён-Сил Янгтай таарч 2:0, 2:0 онооны харьцаагаар ялж хэсгээс шалгарах барилдаанд японы бөх Юрико Итод 5:5, 1:0 онооны харьцаагаар хожигдож хүрэл медалийн төлөө Тайваны бөх Мин Вэнь Хуатай барилдаж 0:7, 2:2, 6:0 онооны харьцаагаар хожжээ.

67 кг   1. Очирбатын Насанбурмаа /“Хүч” спорт хороо/

2. Каур Навлот /Энэтхэг/

3. Хуекунг Хам /БНСУ/

3. Риксие Жинг /БНХАУ/

Энэ жинд 7 бөх өрсөлдсөнөөс Гавьяат тамирчин О.Насанбурмаа нэгдүгээр тойрогт казахстаны бөх Зарина Кунангараеваг 3:1, 1:0, хэсгээсээ шалгарах барилдаанд хятадын бөх Риксие Жингийг 0:1, 3:1, 2:1 онооны харьцаагаар ялж алтан медалийн төлөө барилдаанд энэтхэгийн бөх Каур Навлотыг 1:0, 5:2 онооны харьцаагаар хожжээ.

72 кг   1. Хирое Сузуки /Япон/

2. Бадрахын Одончимэг //“Алдар” спорт хороо/

3. Жуоти Жуоти /Энэтхэг/

3. Жуан Ванг /БНХАУ/

Энэ жинд 7 бөх өрсөлдсөнөөс олон улсын хэмжээний мастер Б.Одончимэг нэгдүгээр тойрогт тайваны бөх Тинг Юг 1:0, 4:2 онооны харьцаагаар ялж хэсгээсээ шалгарах барилдаанд хятадын бөх Жуан Вангийг 0:8, 1:1, 2:1 онооны харьцаагаар ялж алтан медалийн төлөө барилдаанд японы бөх Хирое Сузукид 1:0, 0:2, 1:2 онооны харьцаагаар дийлджээ.

Багийн дүн

            Нэгдүгээр байр                   БНХАУ, 56 оноо     

            Хоёрдугаар байр                Япон, 54 оноо

            Гуравдугаар байр  Монгол, 54 оноо

            Дөрөвдүгээр байр  Энэтхэг, 49 оноо

Эрэгтэй

55 кг   1. Амит Кумар /Энэтхэг, Азийн аварга шалгаруулах тэмцээний     хүрэл

    медальт/

2. Янг Кёнг Ил /БНАСАУ/

3. Батболдын Номин /”Гацуурт-Олимп” клуб/

3. Расул Калиев /Казахстан, өсвөрийн ДАШТ-ний мөнгөн медальт/

Энэ жинд 14 бөх өрсөлдсөнөөс спортын мастер Б.Номин нэгдүгээр тойрогт Өмнөд Солонгосын бөх Сунг Гвонгтой таарч 5:1, 4:3 онооны харьцаагаар ялж хоёрдугаар тойрогт БНАСАУ-ын бөх Янг Кёнг Илтэй гар зурүүлж 2:3, 0:7 онооны харьцаагаар ялагдаж дагах барилдаанд киргизийн бөх Мадербек Уулуг 2:1, 4:4 онооын харьцаагаар хожиж хүрэл медалийн төлөө барилдаанд хятадын бөх Лианг Шаофенгийг 3:0, 7:0 онооны харьцаагаар дийлжээ.

60 кг   1. Хак Хванг Рунг /БНАСАУ/

2. Жае Хоон /БНСУ/

3. Бажранг Бажранг /Энэтхэг/

3. Даулет Ниябеков /Казахстан, ДАШТ-ний хүрэл медальт/

9. Банзрагчийн Баянмөнх /”Гацуурт-Олимп” клуб/

Энэ жинд 16 бөх өрсөлдсөнөөс олон улсын хэмжээний мастер Б.Баянмөнх нэгдүгээр тойрогт Шри-Ланк улсын бөх Ласандра Приянгкачаг бөх 5:2, 6:0 онооны харьцаагаар ялж хоёрдугаар тойрогт ДАШТ-ний хүрэл медальт, казахстаны бөх Даулет Ниязбековт 1:4, 1:5 онооны харьцаагаар өвдөг шорооджээ.

66 кг   1. Амит Дахар Кумар /Энэтхэг/

2. Ганзоригийн Мандахнаран /”Алдар” спорт хороо/

3. Улукбек Маматов /Киргиз/

3. Тошинори Ишида /Япон/

Энэ жинд 14 бөх өрсөлдсөнөөс олон улсын хэмжээний мастер Г.Мандахнаран нэгдүгээр тойрогт японы бөх Тошинори Ишидатай таарч 0:1, 4:3, 1:0, хоёрдугаар тойрогт ираны бөх Иосефи Мохаммадыг 0:3, 4:4, 4:1 онооны харьцаагаар ялж хэсгээсээ гарах барилдаанд Өмнөд Солонгосын бөх Юнг-Хо Жунгийг 0:1, 2:2, 5:2 онооны харьцаагаар ялж өвдөг шороодуулж алтан медалийн төлөө барилдаанд энэтхэгийн бөх Амит Дахар Кумарт 1:0, 0:4, 2:3 онооны харьцаагаар дийлджээ.

74 кг   1. Рустам Курбанов /Узбек/

2. Чонгуао Шанг /БНХАУ, Азийн аварга шалгаруулах тэмцээний

   хүрэл медальт/

3. Кохей Китамура /Япон/

3. Акидри Затолан /Иран/

11. Батчулууны Анхбаяр /”Харгант-Цамхаг” клуб/

Энэ жинд 15 бөх өрсөлдсөнөөс олон улсын хэмжээний мастер Б.Анхбаяр нэгдүгээр тойрогт японы бөх Кохей Китамуратай барилдаж 3:1, 1:1, 3:7 онооны харьцаагаар хожигджээ.

84 кг   1. Имижон Исмайлов /Узбек/

2. Айбек Усупов /Киргиз/

3. Сафари Комизони /Тажик/

3. Анини Ихсан /Иран/

7. Оргодолын Үйтүмэн /”Аврагч” спорт хороо/

Энэ жинд 14 бөх өрсөлдсөнөөс олон улсын хэмжээний мастер О.Үйтүмэн нэгдүгээр тойрогт хятадын бөх Батетихан Хивативекег 2:0, 6:0 онооны харьцаагаар ядсан ч хойрдугаар тойрогт ираны бөх Анини Ихсанд 0:4, 6:2, 1:3 онооны харьцаагаар хожигджээ.

96 кг   1. Ким Жа Канг /БНСУ, Ази тивийн аварга шалгаруулах тэмцээний

    мөнгөн медальт/

2. Рустам Искандер /Тажик/

3. Доржхандын Хүдэрбулга /”Ганьт” клуб/

3. Татари Хомео /Иран/

Энэ жинд 10 бөх өрсөлдсөнөөс олон улсын хэмжээний мастер Д.Хүдэрбулга нэгдүгээр тойрогт хийлж хоёрдугаар тойрогт тажикийн бөх Рустам Искандерт 5:8, 1:5, 0:1 оноогоор ялагдаж хүрэл медалийн төлөө хятадын бөх Хуе Шанг 1:1, 4:3 онооны харьцаагаар ялжээ.

120 кг             1. Парвиз Хади /Иран, азийн аварга/

2. Жаргалсайханы Чулуунбат /“Сүлд” спорт хороо/

3. Хитандер /Энэтхэг /

3. Айал Лазарев /Киргиз/

Энэ жинд 13 бөх барилдсанаас олон улсын хэмжээний мастер Ж.Чулуунбат нэгдүгээр тойрогт хийлж хоёрдугаар тойрогт казахстаны бөх Дититрий Поповыг 4:0, 1:0 онооны харьцаагаар өвдөг шороодуулж дараа нь энэтхэгийн бөх Хитандерийг 1:0, 3:0 онооны харьцаагаар ялж мөнгөн медалийн болзол биелүүлж алтан медалийн төлөө ираны бөх Парвиз Хадитай барилдаж 0:2, 0:3 онооны харьцаагаар дийлджээ.

Багийн дүн

            Нэгдүгээр байр                   Энэтхэг, 48 оноо    

            Хоёрдугаар байр                Иран, 45 оноо

            Гуравдугаар байр              Монгол, 40 оноо

            Дөрөвдүгээр байр              БНСУ, 38 оноо