Даян аварга А.Сүхбат, реппер Цэцээ хоёрын зугаалга

Нийслэлчүүдийн “шүдний өвчин” болох шахаад байгаа автозамын түгжрэлээс болоод жолооч нар байтугай, явган зорчигчид ч бухимдуухан явж байгаа нь нууц биш. Алхам алхмаар урагшлах машинуудын хооронд муур хулгана аятай сүлжилдэх явган зорчигчид бухимдахаас өөр яах ч билээ.

Тэгвэл ингэж бензин шатахуун, цаг заваа гарздахаас гадна стресст автаж, зүрхний шигдээс болчихгүйхэн шиг замын хөдөлгөөнд оролцох аргыг олны танил хүмүүс ухуулах болжээ. Энэ нь унадаг дугуй бөгөөд даян аварга А.Сүхбат, реппер М.Цэцэнбилэг буюу Цэцээ нэрээрээ олонд танигдсан дуучин залуу хотын их түгжрэл дунд унадаг дугуйгаараа зугаалах нь дээр гэж үзэж, өөрсдийн биеэр сурталчилсан байна. Эрүүл мэндэд тустай, цаг зав, эдийн засгийн хувьд ч хэмнэлттэй энэхүү аргыг фэнүүд нь дуртайяа хүлээж авах биз ээ.

С.Цахиур