Манай оронд зохиогдож байсан чөлөөт бөхийн олон улсын тэмцээнүүд

Манай оронд 1979, 1989 онуудад залуучуудын ДАШТ, 1987 онд Дэлхийн цомын төлөө тэмцээн, 1973, 1993, 2001 онуудад насанд хүрэгчдийн Ази тивийн аварга шалгаруулах тэмцээн, 2006 онд оюутны ДАШТ, 2013 онд эмэгтэй багуудын Дэлхийн цомын төлөө тэмцээн болж байсан. Энэ оны долоодугаар сард Ази тивийн өсвөр үеийн аварга шалгаруулах тэмцээн болно.

Тэрчлэн 1972-1990 онуудад “Интернациональ”, 1991-2005 онуудад “Монгол говь”, 2006-2007 онуудад Монгол улсын Ерөнхийлөгчийн нэрэмжит олон улсын тэмцээн, 1965-1991 онуудад Найрамдалт армиудын аварга шалгаруулах тэмцээн, 1973, 1978, 1981, 1983, 1988 онуудад социалист орны залуучуудын “Нөхөрлөл” тэмцээн, 1976-1990 онуудад социалист орнуудын нийгмийг аюулаас хамгаалах байгууллагуудын “Динамо” нийгэмлэгүүдийн тэмцээн болон “Хөдөлмөр” нийгэмлэгийн нэрэмжит тэмцээн зэрэг олон улсын тэмцээн манай оронд зохиогдож байжээ.

2012 оноос “Mongolian Open” олон улсын тэмцээн явагдаж байна.