Баянхонгорын оюутнуудын аварга шалгаруулах спортын тэмцээн зарлагдлаа

Нэг: Зорилго

Баянхонгор аймгийн оюутан, залуучуудын бие бялдрын хөгжлийг дэмжих, хамтын ажиллагаа, харилцаа холбоог өргөжүүлэх, чөлөөт цагийг зөв зохистой өнгөрүүлэх,  шилдэг баг, тамирчдыг шалгаруулахад оршино.

Хоёр: Хамрах хүрээ

Баянхонгор аймгаас Их, дээд сургууль, коллежуудад сурч буй оюутнууд.

Гурав: Хаана, Хэзээ

2011 оны 04 сарын 27-ноос 05-08 ны өдөр хүртэл

Дөрөв: Тэмцээний төрөл

1.    Сагсан бөмбөг /эрэгтэй, эмэгтэй/

2.    Гар бөмбөг /эрэгтэй, эмэгтэй/

3.    Дартс /нэг баг 3 гишүүнтэй/

4.    Шатар

5.    Даам

6.    Олс татлага /5 эрэгтэй, 5 эмэгтэй нийт 10 гишүүнтэй/

7.    Гар барилдаан

8.    Ширээний теннис

Тав: Багт тавигдах шаардлага

• Нэг анги, сургууль, сумаараа нэгдэж баг болон оролцоно. 8 төрөл бүрт хамрагдах шаардлагатай /Нэг тамирчин нь 3-с дээш тэмцээнд хамрагдахгүй/

• Багууд хувцасны жигдрэлт, хувийн дугаартай байна.

• Тамирчин нь Баянхонгор аймгийн уугуул байх

• Баг нь бүртгүүлэхдээ 50,000 төгрөгийг мэдүүлгийн хамт хураалгана.

Зургаа: Шагнал, урамшуулал /Төрөл тус бүрт 1,2,3 байрт Өргөмжлөл, Мөнгөн шагнал , 8 төрлийн нийт дүнгээр түрүүлсэн багт Өргөмжлөл, Мөнгөн шагнал/

Долоо: Нэмэлт мэдээлэл

Бүртгэл: 2011 оны 04 сарын 27-ны 12:00 цагаас эхэлнэ.