Наадмын сорилго барилдаанд Улсын начин Б.Батмөнх түрүүллээ

Наадмын сорилго барилдаан өчигдөр Монгол Бөхийн өргөөнөө болж өнгөрлөө. Сорилго барилдаанд хүчит 224 бөх зодоглосноос наймын даваа буюу үзүүр түрүүнд улсын начин Л.Нямсүрэн, Б.Батмөнх нар үлдсэн юм. Энэхүү барилдаанд Төв аймгийн Баянхангай сумын уугуул начин Б.Батмөнх түрүүлсэн.

Энэ удаагийн сорилго барилдааны үеэр үзэгчдийг шуугиулсан нэгэн уран барилдаан болсон нь зургаагийн даваанд улсын заан Б.Соронзонболдыг начин Л.Нямсүрэн өмсөж давсан барилдаан юм.