NBA-гийн шилдэг тоглогч Монголд айлчилна

Домогт Чикаго Буллс багийн довтлогч, Английн шигшээ багийн ахлагч, NBA-гийн шилдэг тоглогчдын нэг Луол Дэнг /Luol Deng/-ийн Монголд айлчлах юм байна. Тэрбээр Монголын үүрэн холбооны үндэсний оператор Скайтел Групп болон Алтай Холдингийн урилгаар манай улсад Үндэсний баяр наадмын тэмдэглэлт өдрүүдийг тохиолдуулан энэ сарын 12-13-ны хооронд ирэх юм.

Зуны амралтаараа манай улсад зочилж буй NBA-гийн шилдэг тамирчин маань Монгол үндэсний наадам, ёс заншилтай танилцахын зэрэгцээ өөрийн удирдан явуулдаг Луол Дэнг /Luol Deng Foundation/ Сангийн шугамаар ажиллах гэнэ. Уг сан анх 2005 онд байгуулагдаж байсан бөгөөд эрүүл мэнд, боловсролыг дэмжих, гэмт хэргийг бууруулах зэрэг нийгмийн асуудллыг шийдвэрлэх зорилготой юм байна.