Даян аварга Г.Өсөхбаяр: Хүндэлж хайрлаж явдаг учраас барилдая гэж бодсонгүй

Даян аварга Г.Өсөхбаяр олимпийн аварга Н.Түвшинбаярыг амлаж аваад л барилдалгүй тахимаа өгсөнд наадамчин олон гайхасхийн хүлээж авав. Зарим нь хүндлэл хэмээн үзэж байхад зарим нь мөнөөх л найраа нь явагдаж буй хэрэг хэмээсэн юм. Харин дөнгөж сая Даян аварга Г.Өсөхбаяр тодруулга өгсөн юм. Тэрбээр "Монголчууддаа олимпийн наадмаас хоёр медаль авчирсан хийморьлог хүн шүү дээ. Ах нь хүндэлж, хайрлаж явдаг учраас яг барилдая гэсэн сэтгэл гарч өгсөнгүй. Тиймээс дүүдээ тахимаа өгчихлөө. Монголын ард түмэн бүгдээрээ энэ хүнийг хайрлаж хүндэлж явдаг шүү дээ" гэв.