Улсын арслан Г.Эрхэмбаяр Үндэсний их баяр наадмын хүчит бөхийн барилдаанд түрүүлж аварга боллоо

Тулгар төр үндэслэсний 2222 жилийн тэгш ой, Их Монгол Улс байгуулагдсаны түүхт 807 жил, Ардын хувьсгал ялсны 92 жилийн тэмдэглэлт ойн Үндэсний их баяр наадмын хүчит бөхийн барилдаанд улсын арслан Гунаажавын Эрхэмбаяр ес даван түрүүллээ. Өнөө цагийн өнгийг тодорхойлсон хүчит бөх Г.Эрхэмбаяр нь бөх хүний ноён нуруу, ёс жудгийг баримталж яваа олон сайн бөхчүүдийн магнайд явдаг нэгэн. Сэлэнгэ аймгийн Мандал сумын харьяат тэрбээр Сүлд спорт хороо, Таванхан дэвжээ, Ноёд группийн бөх юм.

Ургийн овог: Боржигон

Эцгийн нэр: Гунаажав

Өөрийн нэр: Эрхэмбаяр

Харъяа: Сэлэнгэ аймгийн Мандал сум

Дэвжээ: Хилчин спор хороо

Төрсөн он сар өдөр: 1978 оны 11 сарын 15

Биеийн өндөр: 177 см

Биеийн жин: 130 кг

Харъяа компани: Хилчин спорт хороо Ноёд группын бөх

Одоогийн цол: МУ-ын арслан

Анхны багш: МУ-ын харцага Элбэг, МУ-ын начин Мижиддорж

 Одоогийн багш: МУ-ын харцага Элбэг

Хэдэн оноос улсад барилдсан: 2001

Төгссөн сургууль: Цагдаагийн академи, ИШДС

Мэргэжил: Эрхзүйч, багш дасгалжуулагч

Дархан мэх: Хонгодох

Хобби: Барилдах

Цол авсан он дараалал: 2000 онд Сэлэнгэ аймгийн Мандал сумын баяр наадамд түрүүлэн сумын заан, 2001 онд Хөвсгөл аймгийн баяр наадамд 5 даван аймгийн начин, 2003 онд Дархан-Уул аймгийн баяр наадамд түрүүлэн аймгийн арслан, 2003 онд АХ-ын 82 жилийн ой Үндэсний их баяр наадамд 5 даван МУ-ын начин, 2011 оны АХ-ын 90 жилийн ойгоор 9 даван МУ-ын арслан цол тус тус хүртсэн.