Алтангадас одон гардуулна

Монгол Улсын Ерөнхийлөгчийн зарлигаар төрийн одон, медалиар шагнуулсан залуу, шилдэг тамирчдыг Спортын бэлтгэлийн төвийн дарга Б.Наранбаатар хүлээн авч, шагналыг нь гардуулна. Энэ нь ОХУ-ын Казань хотноо болсон “Универсиад” наадамд оролцож байсан тамирчдад өгч буй шагнал аж. Тодруулбал, боксын спортын ОУХМ, Ази тивийн аварга, Азийн наадмын мөнгөн медальт З.Энхзориг, чөлөөт бөхийн ОУХМ, дэлхийн аваргын мөнгөн медальт Б.Оюунсүрэн, дэлхийн аваргын хүрэл медальт Т.Мөнхтуяа болон пауэрлифтингийн дэлхийн аваргын хүрэл медальт Ш.Ариунбаатар нарт “Алтангадас” одон гардуулах ажээ.