Их Британийн регби тамирчид Монголд ирнэ

 “Регби фестиваль 2013” тэмцээн энэ сарын 17-нд Төв цэнгэлдэх хүрээлэнд болох юм байна. Тус тэмцээнд Английн Оксфордын их сургуулийн Хертфорд коллежийн баг хүрэлцэн ирж байгаа гэнэ. Энэхүү арга хэмжээ нь өнгөрсөн онд зохион байгуулагдсан “Регби фестиваль 2012”-оос илүү өргөн цар хүрээг хамарч байгаа төдийгүй долоо хоног үргэлжлэх бөгөөд гурван цуврал тоглолтыг хийх ажээ.

Тэмцээний эхний өдөр буюу энэ сарын 17-нд Монголын их, дээд сургуулиудын төлөөлөл болох БХИС-ийн нэрэмжит баг Хертфордын коллежийн регбичдийн эсрэг талбайд гарах юм байна. Мөн “Регби Фестиваль 2013” тэмцээний гол тоглолт болох “Улаанбаатарын Дайчид” регбигийн баг, Хертфордын коллежтэй тоглох аж.