Э.Сумъяа мөнгөн медаль хүртлээ

Чөлөөт бөхийн насанд хүрэгчдийн 43 дахь удаагийн Дэлхийн аварга шалгаруулах тэмцээн Унгар улсын нийслэл Будапешт хотноо үргэлжилж байна. Тэмцээний эхний өдөр Монголын баг тамирчид гараагаа амжилттай эхлүүлж, ОУХМ Г.Мандахнаран хүрэл медаль хүртэн Будапештийн тэнгэрт Монгол Улсын төрийн далбаа мандуулсан. Тэгвэл өчигдөр 51 кг-ийн жинд ОУХМ Эрдэнэчимэгийн Сумьяа мөнгөн медаль хүртлээ. 
Тэрбээр алтан медалийн төлөө БНХАУ-ын бөхтэй барилдаж, ялагдсанаар мөнгөн медалийн болзол хангасан юм. 

Харин 48 кг-д барилдсан МУГТ Ц.Энхжаргал шагналт VII байр эзэлсэн бол эрэгтэй 74 кг-ын жинд ОУХМ Б.Анхбаяр хоёрдугаар тойрогтоо Aзербайжаны бөх Жабриал Хассановт ялагдсанаар тэмцээнээ дуусгасан байна.