Завханд хорио цээрийн дэглэм тогтоожээ

Завхан аймгийн Тэлмэн суманд хорио цээрийн дэглэм тогтоожээ. Тус сумын Нуур багт нутагладаг хоёр айлын үхэр энэ сарын 16-ны өдөр боомоор өвчилснийг тогтоосон байна. Тус сумын засаг даргын захирамжаар 14 хоногийн хугацаатай хорио цээрийн дэглэм тогтоохоор болсон аж. Мөн голомтын бүсэд нутаглах зургаан өрхийн 19 хүн, 3000 малыг урьдчилан сэргийлэх тарилгад хамруулах болжээ.