Хакухогийн нэрэмжит өсвөрийн сумо бөхийн аварга шалгаруулах тэмцээн болно

Монгол түмний бахархал Хакухо М.Даваажаргалын нэрэмжит "Ирээдүйн аваргууд"  өсвөрийн сумо бөхийн аварга шалгаруулах тэмцээн маргааш МҮЭСТО-д болох гэж байна. Тус тэмцээн нь дөрөв дэх жилдээ зохиогдож буй бөгөөд энэхүү тэмцээн нь өсвөр насны хүүхдүүдийн бие бялдарыг өв тэгш хөгжүүлэх, өөртөө итгэлтэй, мөрөөдөл, хүсэл эрмэлзлэл түүндээ тэмүүлсэн зорилготой болгон хөгжүүлэх зорилготой аж. 

Энэ жилийн тэмцээний хувьд "Эрүүл Монгол хүүхэд" уриан дор зохиогдож байгаа бөгөөд аймаг, нийслэлийн дунд сургуулийн сурагчид гурван насны ангилалд өрсөлдөх юм. Шигшээ наймд шалгарсан хүүхдүүдээс таван хүүхдийг сонгож тусгай бэлтгэлд хамруулаад ирэх оны хоёрдугаар сард Япон улсын Токио хотноо болох  "HAKUHO CUP" олон улсын тэмцээнд Монгол Улсаа төлөөлөн оролцох эрхээр шагнах ажээ.