Монгол боксчид Их Британид клуб нээв

Английн Манчестер хотын томоохон дүүрэг болох Стокпортод боксын тамирчин С.Шинэбаяр нь боксын клубээ нээжээ. Түүгээр ч зогсохгүй саяхан лицензээ авч, багшлах эрхтэй болсон юм байна. Энэхүү боксын клубт зөвхөн тамирчид бус илүүдэл жингээ хасах хүсэлтэй хэн бүхэн ирж дасгал сургуулилтад  хамрагдах боломжтой ажээ. Учир нь тус клубт энэ чиглэлийн дасгалжуулагч эмэгтэй Сара Стемп ажиллах юм. Стокпортын хөлбөмбөгийн баг тус клуб дээр ирж, хоёр долоо хоногт нэг удаа дасгал сургуулилт хийж байхаар болсон байна.