Казахстан тамирчиддаа 250 мянган ам.доллар амлалаа

Украйн, Латви, Эстон, Белорусь, Итали, Ка­захстан улсын Олимпийн хороод Сочигийн өвлийн олимпод оролцож байгаа тамирчдаа медаль хүртсэн тохиолдолд ихээхэн мөнгөн шагнал амлаж байна. 

Казахстан улс хамгийн их буюу алтан медаль хүрт­вэл 250, мөнгөн ме­дальд 150, хүрэл ме­дальд 75 мянган ам.доллар ол­­гохоо мэдэгдсэн аж. Латви алт-192.8, мөнгө-96.4, хүрэл-67.5 мянга, Итали алт-189.8, мөнгө-101.7, хүрэл-67.8 мян­­ган ам.долларыг тус тус амлажээ. 

Италийн чаргачин Ар­­­мин Цоггелер өвлийн олим­пийн нэгэн шинэ дээд амжилт тогтоолоо. Тэр­бээр өвлийн зургаан олим­поос дараалан медаль хүртсэн байна. 

2002 онд Солт-Лейк-Ситигээс, 2006 онд Туринээс хүрэл, 1998 онд Нагоногоос мөнгө, Лилле­хаммер, Ванкувер, Сочигоос хүрэл медаль хүрт­сэн аж. Түүнээс гадна ОХУ-ын чаргачин Альберт Демченко өвлийн олимпод долоон удаа оролцсон ам­жилт тогтоожээ. 

Тэрбээр мөнгөн медаль хүртлээ. Харин Германы тамирчин Феликс Лох алтан медалийн эзэн болсон бө­гөөд энэ нь түүний өвлийн олимпийн хоёр дахь алтан медаль юм.