Челси Мессиг авахгүй

Европын хөлбөмбөгийн солилцоо найааны цонх ид өрнөж байна. Энэ өвлийн наймааны хамгийн дуулиантай мэдээлэл бол Испанийн Барселона клубийн шилдэг хагас хамгаалагч Лионель Месси Челситэй гэрээ байгуулна гэх цуурхал юм. Зарим хэвлэлүүд Мессиг Челситэй аль хэдийн яриа хэлэлцээ хийж байгаа гэж байсан ч Лондоны багийнхан албан ёсоор мэдээлэл өглөө.

Тус багийн спорт хариуцсан захирал Стив Холланд “Челси энэ өвөл ямар ч наймаа хийхгүй. Бид өвлийн солилцооны цонхоор аль нэг тоглогчоо зарахгүй, мөн өөр багаас шинэ тамирчин авч ирэхгүй. Месситэй холбоотой мэдээллүүд цуурхал. Клуб энэ асуудлаас илүүтэй лигийн тоглолтуудад анхаарал хандуулж байгаа” гэжээ.

Харин хэд хоногийн өмнө Барселона багийн удирдлагууд “Месситэй байгуулсан гэрээ Барселонад бий. Гэхдээ тэр багаас явах эсэхээ өөрөө шийднэ” гэж байсан юм.

Т.Батсугар