УАШТ-д 18 настай тамирчид өрсөлдөнө

Боксын насанд хүрэгчдийн улсын аварга шалгаруулах тэмцээн спортын төв ордонд эхэллээ. XX-р зууны манлай дасгалжуулагч В.Батбаярын нэрэмжит УАШТ  энэ сарын 24-нийг хүртэл  Спортын төв ордны "А" зааланд явагдана. Тэмцээн эрэгтэй 10, эмэгтэй найман жинд болж улсын аваргууд тодорно. Өнөөдөр болон маргааш 14:00 цагт урьдчилсан тулаанууд явагдах бол тэмцээний нээлтийн ажиллагаа маргааш 15.00 цагт болох аж. Харин 19, 20-ний өдрийн 14:00 цагаас урьдчилсан тулаанууд болж, 21, 22-ний өдрүүдэд хагас шигшээ тулаан үргэлжлэх юм байна. Шилдгүүд тодрох шигшээ тулаанууд 23, 24-ний 14:00 цагт явагдаж, тэмцээний аваргууд шагналаа гардах юм. Энэ жилийн УАШТ-ий нэг онцлог нь 18 настай тамирчид өрсөлдөх эрхтэй болсон юм.