Хоккейчид өнөөдөр Эмиратийн багтай тоглоно

Азийн хоккейн холбооноос зохион байгуулж буй "Challenge Cup" тэмцээн өнгөрсөн бямба гарагт Тайваний Тайпэй хотод эхэлсэн билээ. Энэхүү тэмцээнд оролцож буй Монгол улсын баг өнөөдөр Эмиратийн багтай тоглох юм. Манай баг тэмцээний эхний өдөр Макаогийн тамирчидтай тоглож 8:1-ээр өрсөлдөгчөө буулгаж авсан юм. Энэ тоглолтын дараагаар буюу энэ сарын 18-нд Тайвань, 19-нд Тайландын багтай тус тус тоглоно.