Монгол, Зүүн Тиморийн тоглолт 16.00 цагаас болно

Монгол-Зүүн Тиморийн эхний тоглолт өнгөрөгч пүрэв гарагт болсон билээ. Тэгвэл өнөөдөр хөлбөмбөгийн цэнгэлдэх хүрээлэнд Монгол-Зүүн Тиморийн хоорондох хариу тоглолт 16 цагаас эхлэх юм. Зүүн Тимороос гадна Энэтхэг, Йемэн, Камбож, Бруней болон Бутан улсын шигшээ багууд эхний тоглолтод ялалт байгуулсан юм. Тэр дундаа ДАШТ-ий сонгон шалгаруулалтад анх удаа оролцож байгаа Бутан улс түүхэн хожил авсан бөгөөд энэхүү цорын ганц гоолыг Б.Дорж оруулжээ. Тус улсын хувьд Олон улсын хөлбөмбөгийн холбооны чансаанд хамгийн сүүлд буюу 209 дүгээр байрт бичигдэж байна. Харин манай улс энэ жагсаалтын 194-т байгаа бол Зүүн Тимор есөн байраар урагш буюу 185-т бичигдэж байна.

АЗИЙН БҮС. I шатны эхний тоглолтын дүн: (гуравдугаар сарын 12)

• Энэтхэг (171) – Балба (198) 2:0
• Йемен(176) – Пакистан(188) 3:1
• Зүүн Тимор(185) – Монгол(194) 4:1
• Камбож (179) – Макао(186) 3:0
• Тайвань(182) – Бруней(192) 0:1
• Шри-Ланка(172) – Бутан(209) 0:1