Т.Санчир Филиппин улсыг зорьжээ

Монгол Улсын сагсан бөмбөгийн шигшээ багийн шилдэг тоглогч Т.Санчир Ази Тивдээ хамгийн шилдэгт тооцогддог Филиппин улсын Лиг буюу PBA-ийн хамгийн нэр хүндтэй Barangay Ginebra San Miguel багт тоглохоор өчигдөр тус улсыг зорьлоо.

Т.Санчир PBA-д явахаас өмнө Баярцогт дасгалжуулачтай Хасын Хүлэгүүд багтай хамтран бэлтгэлээ базаасан бөгөөд энэ сарын долооны өдөр  сүүлийн бэлтгэлдээ оролцсон  юм. Түүнийг баг хамт олон болон клубын зүгээс хүндэтгэл үзүүлэн аян замын ерөөл өргөн үдэн гаргажээ. Сагсан бөмбөг сонирхогч Монгол залуучуудын төлөөлөл болж байгаа Т.Санчирт улам их амжилтыг хүсэе.