Асашёорюү Д.Дагвадорж: Хоёр сайхан аваргыг хэрүүлийн бузар болголоо

Баяр наадмыг зохион байгуулах комисс дархан аварга Г.Өсөхбаярыг зүүний магнайд гаргах шийдвэр гаргасан ч энэ нь бүтэн жил бөхчүүдийг талцуулаад байсан хэрүүл маргааныг намжаасангүй. Баяр наадам ойртохын хэрээр энэ хэрүүл газар авах янзтай. Юутай ч, энэ асуудалд хүмүүс өөр өөрсдийн байр суурийг илэрхийлж байна. Тэдний дундаас сумогийн их аварга асашёорюү Д.Дагвадорж “Бөхийн холбооны завхралаас үүдээд хоёр сайхан аваргыг хэрүүлийн бузар болголоо. Энэ хёор аваргыг ингэж алалцуулж махыг нь зулгаах хэнд хэрэгтэй. Энэ хоёр сайхан аварга олон хүний хэрүүлийн бузар болж байна. Энэ хоёр аваргын хэнд нь ч буруу өгөх үндэслэл байхгүй. Өгөх цолыг нь цаг хугацаанд нь өгсөн бол ийм асуудал гарахгүй байсан болов уу хэмээн боддог. Ийм шийдвэр гаргах байсан юм бол яах гэж ноднин 3-ын давааны зүүний магнайд А.Сүхбатыг гаргасан юм бэ. Ингээд л хоёр сайхан аваргыг талцуулаад. За нэг иймэрхүү миний хувийн бодол шүү. Мэргэн ард оюун санаандаа шингээгээрэй. Төрийн их баяр наадмаa хэрүүлгүй сайхан наадаарай” хэмээн жиргэжээ.