Монголын сагсчид эхний тоглолтоо Мексикийн багтай хийнэ

Дэлхийн бага олимп гэгддэг Уинивериад наадамд Монголын залуу сагсчид хэсгийн эхний тоглолтоо Мексикийн шигшээ багтай хийхээр болсон байна. Уг тоглолт энэ сарын дөрөвний өдөр буюу бямба гарагт Улаанбаатарын цагаар 14:300-аас эхлэх аж.

Манай шигшээ баг дөрвөнөөс эхлээд өдөр бүр тоглолттой байгаа. В хэсэгт Мексик, Швед, Канад, ОХУ, Монтенегро улсын шигшээ багуудтай тоглоно.

Энэ тэмцээнд орж буй 24 баг нь дөрвөн хэсэгт хуваагдан тоглоно. Хэсгээс зөвхөн 4 баг шалгарч цаашид хасагдах журмаар тоглоно. Сагсан бөмбөгийн тэмцээн энэ сарын 13-ныг хүртэл үргэлжилнэ.

Тоглолтуудыг  http://www.ustream.tv/channel/mnbasportskytel… шууд үзнэ үү.