Дархан аварга А.Сүхбат өнөөдөр 14:00 цагт мэдээлэл хийнэ

Улсын баяр наадмыг зохион байгуулах засгийн газар комисс хуралдаж үндэсний бөхийн зүүний манлайд дархан аварга Г.Өсөхбаярыг гаргаж байх шийдвэр гаргасны дараа саяхныг хүртэл чимээгүй суусан дархан аварга А.Сүхбат өнөөдөр  14:00 цагаас "Зууны мэдээ" мэдээллийн төвд мэдээлэл хийхээр болжээ. Мэдээллийг дархан аварга А.Сүхбат болон бөх судлаач Н.Зоригтбаатар нар хийх бөгөөд тэд 14:45 минут хүртэл буюу 45 минутын цаг авчээ.

Цаг үеийн асуудлаар мэдээлэл хийнэ гэж мэдэгдсэн дархан аварга А.Сүхбат дээрх багагүй хугацаанд нэлээд олон зүйлийг ярьж, сэтгүүлчдийн асуултад хариулах бололтой. Улсын баяр наадмыг зохион байгуулах засгийн газар комисс хуралдахаас өмнө буюу өнгөрсөн жилийн баяр наадмаас хойш бүтэн жил зүүний манлайд гарах асуудлаар дархан аварга Г.Өсөхбаяртай ил, далд маргалдаж ирсэн тэрбээр дархан аварга Г.Өсөхбаяр болон наадмыг зохион байгуулах комиссын шийдвэрийн талаар ярих бололтой.

Юутай ч, дархан аварга А.Сүхбатөнгөрөгч сард “Цензургүй яриа” нэвтрүүлэгт оролцсоны дараа дархан аварга Г.Өсөхбаяр хэвлэлд ярилцлага өгч, дархан аварга А.Сүхбатыг нэлээдгүй шүүмжлээд авсан. Өөрөөр хэлбэл, энэ ярилцлагыг хариуг А.Сүхбат өгөхөөр шийдэв бололтой.