Тоттенхэм 61 мянган үзэгчийн суудалтай цэнгэлдэхтэй болно

Хойд Лондоны Тоттенхэм 2018 оны эх гэхэд шинэ стадионоо ашиглалтад оруулах ажээ. 116 жил "Уат Харт Лайн" тэдний өлгий болж буй ч эдүгээ цагт 36 мянган үзэгчийн суудал нь үнэхээр багадаж буй тул 61 мянган үзэгчийн суудалтай шинэ стадион барьж буй юм. 

2017/18 оны улирлыг тэд шинэ стадион барьж буй улмаас "Уэмбли"-д юмуу эсвэл "МК Донс"-ын стадионд өнгөрүүлэхээр төлөвлөж байгаа гэнэ.  Гэхдээ Тоттенхэмийн шинэ стадион ашиглалт орсоноор Лондоны хөлбөмбөгийн багуудаас хамгийн олон үзэгчийн суудалтай стадионтой болох ажээ.