Пара байтынхан олимпийн бэлтгэлээ Японд базаана

“Токио-2020” паралимпийн наадам Япон улсад болно. Эл олимпийн бэлтгэлээ Монголын пара байт харвааны тамирчид аль хэдийнэ базаагаад эхэлжээ. Тэд Япон улсын Цүбамэ хотын захиргаатай хамтран ажиллах гэрээ өчигдөр байгууллаа. Уг үйл ажиллагаанд Монголын пара байт харвааны холбооны тэргүүн, олимпийн аварга Д.Баатаржав, Цубамэ хотын дарга Сүзүки нар оролцож,  гэрээнд гарын үсэг зуржээ. Энэ хүрээнд паралимпийн долоон тамирчин, хоёр дасгалжуулагчийн хамт ирэх долдугаар сарын 27-ноос наймдугаар сарын 15 хүртэл Цүбамэ хотод Японы тамирчидтай бэлтгэлээ базаахаар болжээ.