Паралимп2016: Б.Ууганхүү олимп, дэлхийн аварга жүдочийг ялж ХҮРЭЛ медаль хүртлээ

Рио-2016 паралимпийн наадмын жүдо бөхийн эрэгтэйчүүдийн 60кг-д Болормаагийн Ууганхүү хүрэл медаль хүртлээ.

Тэрбээр хэсгийн аваргын төлөөх барилдаанд Японы Макото Хиросег хожиж яваад цэвэр ялагдсан юм.

Дагах барилдаанд БНСУ-ын бөх Минжае Лиг цэвэр ялснаар хүрэл медалийн төлөө барилдах эрхтэй боллоо.

Хүрэл медалийн төлөө Бээжингийн паралимпийн хүрэл, Лондонгийн паралимпийн аварга, дэлхийн хошой аварга Азербайжаны бөх Рамин Ибрахимовтой барилдаж дөрөвхөн секундэд цэвэр яллаа.

/В-3 буюу сул хараа/

Болормаа УУГАНХҮҮ 60 кг

• 1991.02.01-нд төрсөн
• Дорновговь аймгийн Сайншанд
• Жиндээ чансаагаараа 11 дүгээрт бичигдэж эрхээ авсан
• “Инчён 2014” Азийн паралимпийн мөнгө медальт
• 2014 оны ДАШТ-ий V байр
• Анхны багш: Я.Дорж, О.Болдбаатар
• Дасгалжуулагч: Ч.Базарсүрэн, Б.Нарантуяа
• Жцү-жицүгийн “Гаруда” клуб