Монголын өсвөрийн шатарчид маргааш эх орондоо ирнэ.

Польшийн Краков хотноо болсон дэлхийн сурагчдын шатрын аварга шалгаруулах тэмцээнд манай улсын найман тамирчин 9-13 насны ангилалд өрсөлдсөнөөс шатарчин Т.Мөнхзул мөнгөн медаль хүртлээ. Уг тэмцээн дөрөвдүгээр сарын 29-нөөс тавдугаар сарын 9-ны өдрүүдэд болж, 29 орны 350 гаруй тамирчид зургаан насны ангилалд оюунаа уралдуулсан юм. Т.Мөнхзул нь 9 настай, “Монген” сургуулийн гуравдугаар ангийн сурагч, Улсын хошой аварга, Ази тивийн аварга шалгаруулах тэмцээний хүрэл медальт, өсвөрийн шатарчдын ДАШТ-д шагналт байрт шалгарч байсан. Тэрээр нийт 9 өрөг тоглосноос зургаа хожиж, хоёр тэнцэж, нэг хожигдолтойгоор энэхүү тэмцээнд мөнгөн медаль хүртсэн бол Казахстаны шатарчин Ассел Серикбай алтан медалийн эзэн болжээ. Манай өсвөрийн шатарчид маргааш эх орондоо ирнэ.

Zindaa.mn