ДАШТ өндөрлөлөө

Унгар улсын нийслэл Будапешт хотын “Syma Csarnok” спортын ордонд чөлөөт бөхийн олимпийн бус жингүүдийн ДАШТ хоёр өдөр үргэлжилж дууслаа.

Эрэгтэй чөлөөт бөхийн 70 кг-ын жинд 28, эмэгтэй 60 кг-ын жинд 19 бөх өрсөлджээ.

70 кг-ын жинд олон улсын хэмжээний мастер Б.Батзориг нэгдүгээр тойрогт тажикийн бөх Гамид Жалиловыг 7:3 онооны харьцаагаар ялж хоёрдугаар тойрогт узбекийн бөх Рашид Курбановт цэвэр ялагджээ. Узбекийн бөх нь АНУ-ын бөхийг ялсан ч хагас шигшээ барилдаанд оросын бөх Магомед Курбаналиевт дийлдсэнээр манай бөхөд дагах барилдаан хийх боломж хаагджээ.

Энэ жиндд түрүүлсэн оросын бөх Магомед Курбаналиев болон узбекийн бөх Рашид Курбанов, беларуссын бөх Азамат Нуриков, азербайжаны бөх Гитиномагомед Гажиев, тажикийн бөх Гамид Жалилов нар бүгдээрээ ОХУ-ын Дагестаны бөхчүүд ажээ.

60 кг-ын жинд олон улсын хэмжээний мастер Б,Шоовдор нэгдүгээр тойрогт хийлж хоёрдугаар тойрогт ДАШТ-ний мөнгөн медальт, беларуссын бөх Залина Сидаковаг 4:1 онооны харьцаагаар ялж гуравдугаар тойрогт японы бөх японы бөх Юи Саканод 3:4 онооны харьцаагаар ялагджээ. Японы бөх нь хагас шигшээ барилдаанд хятадын бөх Хингрю Пейд 6:8 онооны харьцаагаар хожигдож манай бөхөд дагах барилдаан хийх боломж гарсангүй.

70 кг               1. Магомед Курбаналиев /ОХУ, ДАШТ-ний хүрэл медальт,

                           Оюутны универсиад болон европийн аварга/

                        2. НУРЛАН БЕКЖАНОВ /КАЗАХСТАН/

                                    3. Мостафа Хоссейнхани /Иран, азийн аварга/

3. ЕЛАМАН ДОГДУРБЕК УЛЛУ /КИРГИЗ/          

13. Буянжавын Батзориг /”Хилчин” спорт хороо,

ҮБТДС-ын магистрант, оюутны дэлхийн аварга,

Азийн болон тивийн элсний спортын наадмын хүрэл,

тивийн аварга шалгаруулах тэмцээний мөнгө,

хүрэл медальт/

60 кг               1. Хингрю Пей /БНХАУ/

                        2. АЛИСОН МАРКЕНЗИ РАГАН /АНУ/

                                    3. Линда Мариус /Канад/

3. ЭМЕСЕ БАРКА /УНГАР, ДАШТ-НИЙ ХҮРЭЛ МЕДАЛЬТ/         

                                    9. Баатаржавын Шоовдор /”Цастын барс” клуб, ҮБТДС,

                                       Азийн аварга шалгаруулах тэмцээний мөнгөн медальт/

Ирэх оны ДАШТ наймдугаар сарын 21-26-ны өдрүүдэд Франц улсын Париж хотод болно.