Чөлөөт бөхийн төрөлд Ираны “А” баг түрүүлжээ

Иран улсын Мешхед хотод Тахтийн цомын төлөө уламжлалт олон улсын “Алтан Гран-При” тэмцээн 37 дахь удаа сонгомол барилдаан, эрэгтэй чөлөөт бөх, ираны үндэсний “пахрлаван” бөхийн 3 төрлөөр амжилттай болж өндөрлөлөө.

Тэмцээнд ираны 13 багаас гадна Армян, Беларусь, Болгар, Гүрж, Ирак, Иран, Казахстан, Киргиз, Монгол, ОХУ, Серб, Узбек, Украин, Унгар зэрэг гадаад 23 орны  нийт 36 баг өрсөлджээ.

Эрэгтэй чөлөөт бөхийн төрөлд ираны “А” баг шувтаргын барилдаанд армяны багийг 8:0 ононы харьцаагаар буулган авч түрүүлсэн бол казахстаны баг ираны “Б” багийг 5:3 онооны харцаагаар ялж гуравдугаар байранд оржээ.

Нэгдүгээр байр                     Ираны “А” баг

Хоёрдугаар байр                   Армяны баг

Гуравдугаар байр                  Казахстаны баг

 “А” хэсэгт Ираны “А” баг Ираны “Тосееп” багийг 7:1, казахстаны багийг 8:0, Латынь Америк тивийн багийг 8:0, Ираны “Тосееп” баг Латынь Америк тивийн багийг 6:2,  казахстаны багийг хожсон байна. “В” хэсэгт Ираны “Б” баг Ираны Жаванан багийг 6:2, Беларуссын багийг 7:1, Гүржийн баг Беларуссын багийг 7:1, Ираны Жаванан багийг 6:2, Ираны Жаванан баг Беларуссын багийг 6:2, Армяны баг Узбекийн багийг 7:1 онооны харьцаагаар дийлжээ.

“С” хэсэгт монголын баг Ираны Хорасон мужийн “Разави” багт 1:7 онооны харьцаагаар хожигдож армяны багийг 5:3, узбекийн багийг 6-2 онооны харьцаагаар ялж хэсгээсээ хоёрдугаар байраар шалгарч цааш барилдсан байна.

Ираны Хорасон мужийн “Разави” багтай хийсэн барилдаанд 61 кг-ын жинд Т.Тулга, Армяны багтай хийсэн барилдаанд 57 кг-ын жинд С.Батболд, 61 кг-ын жинд Т.Тулга, 70 кг-ын жинд Д.Хатанбаатар, 86 кг-ын жинд Б.Өлзийсайхан, 97 кг-ын жинд Ө.Батзул нар, Узбекийн багтай хийсэн барилдаанд 57 кг-ын жинд С.Батболд, 61 кг-ын жинд Т.Тулга, Армяны багтай хийсэн барилдаанд 57 кг-ын жинд С.Батболд, 61 кг-ын жинд Т.Тулга, 70 кг-ын жинд Д.Хатанбаатар, 86 кг-ын жинд Б.Өлзийсайхан, 97 кг-ын жинд Ө.Батзул нар багтаа ялалт авчирсан байна.

“Б” хэсэгт ираны Хорасон мужийн “Разави” баг Узбекийн багийг 6:2, Армяны баг Узбекийн багийг 7:1 онооны харьцаагаар ялсан байна.