Монголын хоккейчид ДАШТ-ээс хүрэл медаль хүртлээ

Швед улсад зохион байгуулагдсан бөмбөгтэй хоккейн “В” ангиллын Дэлхийн аварга шалгаруулах тэмцээнээс манай хоккейчид хүрэл медаль хүртжээ. Монголын хоккейчид хүрэл медалийн төлөөх тоглолтод Японы багийнхныг 6:5-аар хожиж, түүхэн амжилтын эзэн болсон юм. 

Манай тамирчид “А” хэсэгт Япон, Унгар, Украины хоккейчидтой учраа таарсан ч нэг ч хожигдолгүй хэсгээ тэргүүлсэн бөгөөд Голландын шигшээгийнхнийг 6:2-оор хожиж хагас шигшээд шалгарсан ч Канадын хүчирхэг багт 6:5-аар хожигдож ийнхүү хүрэл медаль хүртсэн билээ. 

О.Анир