Түмэн адууны баярыг Шинэ Зеланд, Английн жуулчид ирж үзнэ

 “Талын түмэн адуу”-ны баяр гурав дахь жилдээ энэ сарын 18, 19-ний өдрүүдэд Төв аймгийн Алтанбулаг суманд болох гэж байна. Адууны баярт 10 гаруй орны жуулчин оролцохоо мэдэгдэн урьдчилсан бүртгэлээ өгчээ.Тухайлбал Шинэ Зеланд, Англи зэрэг орноос мөн азийн олон орны жуулчид Монголын өвлийн улиралд зорин ирэх юм байна.

Мөн Монголын аялал жуулчлалын 40 орчим компанийн гадаадаас жуулчин оруулж ирдэг, аялал зардаг менежер захиралууд очиж үзэж сонирхох ажээ. Өвлийн аялал жуулчлалыг хөгжүүлэх зорилготой энэхүү уралдаанд Хөвсгөл, Сэлэнгэ зэрэг аймгаас улсын аваргын тэмцээн амжилттай сайн оролцож байсан уургач, бугуйлч нар ирж оролцоно. 

 “Талын Түмэн Адуу”- ны баярын үеэр болох тэмцээнүүд:

• “Шургуу -2017” уран уургач, бугуйлч шалгаруулах тэмцээн
• "Эрэмгий адуучин” уурга шүүрэх, эмнэг булгиулах тэмцээн
• “Адууны тухай дууг хэн сайн дуулах вэ” нутгийн иргэдийн дууны тэмцээн
• “Тар” богино зайны морьдын бооцоотой уралдаан
• “Хөтөлгөө” ижил зүсмийн морьдын үзүүлбэр 
• Азарга гүйлгэх үзүүлбэр
• Монгол баатаруудын морьтон үзүүлбэр 
• Талын Тайга нохойн хурданы уралдаан, сайхан хөтөлгөөг шалгаруулна.

Т.Түвшин