ХХААХҮ-ийн сайд П.Сэргэлэн Ховд аймагт ажиллаж байна

2017 оны 03 сарын 24

ХХААХҮ-ийн сайд П.Сэргэлэн өнөөдөр Ховд аймагт ажиллаж байна. Тэрбээр Ховд аймгийн ХХАА-н газрын үйл ажиллагаатай танилцаж,  салбарынхаа мэргэжилтнүүдийн санал хүсэлтийг  сонслоо. Мөн салбар яамнаас баримталж буй бодлого цаашид авч хэрэгжүүлэх үйл ажиллагаа,  “Мах, сүүний аян”, “Атрын III аян”, “Үйлдвэржилт 21:100” зэрэг төсөл  хөтөлбөрүүдийн талаар дэлгэрэнгүй мэдээлэл өгсөн юм.  

ХХААХҮ-ийн сайд П.Сэргэлэн “Ховд аймаг нь төвлөрөл сайтай аймгуудын нэг. Энэ хэрээр ХАА-н салбарын хувьд ажил нь жигдэрсэн гэж хэлж болно. ХХААХҮЯ-наас “Атрын III” аяны хүрээнд ОХУ-аас 10 сая доллар, Беларусь улсаас 5 сая долларын  бага хүүтэй урт хугацааны жижиг дунд үйлдвэрлэл эрхлэгчид, тариаланчдад шаардлагатай тоног төхөөрөмжүүдийг авахаар шийдвэрлэсэн. Энэ нь газар тариалан, жижиг дунд үйлдвэрлэл эрхлэгчдэд тоног төхөөрөмжөө сольж, тариалалт, үйлдвэржилтээ өргөтгөх, бүтээгдэхүүний өсөлтөд ахиц гарах боломжийг нээж байгаа юм.

Мөн Монгол Улсын Засгийн газрын 2016-2020 оны үйл ажиллагааны хөтөлбөрт Монгол малыг эрүүлжүүлэх хөтөлбөрийг хэрэгжүүлэхээр тусгасан” гэдгийг онцлон хэлж байлаа.

ХХААХҮ-ийн сайд П.Сэргэлэн маргааш Говь-Алтай аймагт ажиллана.

 

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top